आमच्या बद्दल माहिती

संयुगा ॲग्रो प्रोड्युसर कंपनी मर्यादित

नमस्कार शेतकरी बांधवांनो,
संयुगा ॲग्रो प्रोड्युसर कंपनीमध्ये आपले स्वागत आहे.
भारतातील अर्थव्यवस्थेत लक्षणीय योगदान देणारी शेती आहे. 70 टक्के भारताची अर्थव्यवस्था ही शेतीशी निगडित आहे. त्यामुळेच भारत देशात शेतीला अनन्यसाधारण असे महत्त्व असून भारत हा कृषिप्रधान देश म्हणून ओळखला जातो. परंतु आज रोजी शेतकऱ्यांसमोर असलेल्या विविध प्रश्नांमुळे जगाच्या अन्नदात्याची परिस्थिती फारच बिकट होत चाललेली आहे. म्हणूनच आम्ही शेतकऱ्यांना कमी खर्चामध्ये जास्त उत्पादन व उत्पादित मालाचा भाव मिळवून देण्यासाठी प्रयत्नशील आहोत. इतकेच नव्हे तर शेतकऱ्यांनी पारंपारिक शेती सोबत तंत्रज्ञानाचा देखील वापर करावा यासाठी आम्ही आग्रही आहोत.
आज रोजी संयुगा ॲग्रो बियाणे क्षेत्रात काम करीत असून आम्ही सोयाबीन, गहू, हरभरा, तूर, मूग, मका, उडीद इत्यादी वाणाचे बियाणे पुरवठा करण्याचे काम करतो. आजपर्यंत आमच्या कंपनीच्या माध्यमातून पुरविण्यात आलेल्या बियाण्यांमध्ये असलेली शुद्धता व उच्च उगवण क्षमता कायम राहण्यासाठी आम्ही वचनबद्ध आहोत.